(for Larry Weiss)

Thir wir giants on earth in them days, so thir wir,
Great huge men like McLean, who cud lift
A dockers' strike in wan han, thi other
Cho'in a capitalist.
Or wee Jimmy Maxton, him
Who wis a teacher, screivin his biography u Lenin.

Gallagher wis no bad either, hoddin a commie seat
Way intae the fifties.

But ma favourite wis Kirkwood:
See his autobiography -- photae a him gettin his heid bustid
By the polis in George Square, an the introduction
Written by Winston Churchill. Magic! Way tae go.

Robin Hamilton